影片
更多
2017-03-13
1025 浏览
今日要去PMQ元创方睇展览，顺路当然要去呢间出名蕃茄汤底既大排档啦。大约两三点黎到，好好彩地啱啱过左打工仔既食饭时间，一去到就可以唔使排队即刻有得坐低。一场黎到就当然要试下佢既蕃茄通粉啦。我叫左蕃茄碎牛肉炒蛋通粉，碗通粉既份量都算大碗。蕃茄汤底又浓郁又杰身，蕃茄既酸甜味非常出色，啱啱好恰到好处，完全食得出系落足大量蕃茄煲出黎既足料汤底。至于通粉就煮得啱啱好，唔会太稔，口感弹牙；通粉中空令佢既挂汤能力一流，每一啖都充满住浓浓既蕃茄味。另外碎牛同炒蛋一齐炒，炒蛋都算大份，碎肉既份量亦算多；炒蛋既外层香脆，入面就好绵滑，唔会太老，配埋蕃茄汤一齐食，简直系绝配。除左蕃茄通粉，我个人比较推荐佢既柠檬蜜糖脆脆。柠蜜脆脆系无得之后再加单既，所以要一开始就叫定喇。猪仔包既外层烘到热辣辣脆卜卜，入面就好松软，同时吸满晒柠檬蜜糖汁；一开始入口首先会食到柠檬既酸味，然后就到蜜糖既甜味，酸酸甜甜，味道有层次得黎仲好开胃，非常好食，真心推荐呀。听人讲呢到另一样必叫既野就系咸柠七，可能系贪佢有怀旧茶餐厅风味？🤔不过整体觉得无咩特别，同其他茶餐厅既咸柠七差唔多。虽然胜香园既环境麻麻，又食到个人热辣辣流晒汗，但呢到有
一场黎到就当然要试下佢既蕃茄通粉啦。我叫左蕃茄碎牛肉炒蛋通粉，碗通粉既份量都算大碗。蕃茄汤底又浓郁又杰身，蕃茄既酸甜味非常出色，啱啱好恰到好处，完全食得出系落足大量蕃茄煲出黎既足料汤底。至于通粉就煮得啱啱好，唔会太稔，口感弹牙；通粉中空令佢既挂汤能力一流，每一啖都充满住浓浓既蕃茄味。另外碎牛同炒蛋一齐炒，炒蛋都算大份，碎肉既份量亦算多；炒蛋既外层香脆，入面就好绵滑，唔会太老，配埋蕃茄汤一齐食，简直系绝配。
除左蕃茄通粉，我个人比较推荐佢既柠檬蜜糖脆脆。柠蜜脆脆系无得之后再加单既，所以要一开始就叫定喇。猪仔包既外层烘到热辣辣脆卜卜，入面就好松软，同时吸满晒柠檬蜜糖汁；一开始入口首先会食到柠檬既酸味，然后就到蜜糖既甜味，酸酸甜甜，味道有层次得黎仲好开胃，非常好食，真心推荐呀。
听人讲呢到另一样必叫既野就系咸柠七，可能系贪佢有怀旧茶餐厅风味？🤔不过整体觉得无咩特别，同其他茶餐厅既咸柠七差唔多。虽然胜香园既环境麻麻，又食到个人热辣辣流晒汗，但呢到有既系人情味。呢到既婶婶婆婆就算忙到踢晒脚都依然好耐心咁帮你揾位同落单，唔会燥你底。而且胜香园既蕃茄汤底同柠蜜脆脆真系无得输，下次再黎中上环一定要再食。但到差唔多食完既时候又出现左条人龙，希望下次都会好似今次咁好彩唔洗等位啦。
张贴
