雷公子海鮮串燒大排檔 (已結業)

同老友试完新车，去到九龙城，原本食泰菜，行到龙城道看到对联，「欲尝海上鲜，莫惜腰间钱。」有意思！店内如一般餐馆装潢，收银位仲有个怀旧老爷点唱机，楼上系VIP房。两个男人食饭梗系要啤一啤佢，再叫两三个菜送啤酒，先至系王道。大厨刚刚经过，就问下今日有无好嘢介绍，佢就介绍左个剁椒蒸开边龙虾，剁椒系大厨亲自从湖南地区挑选。上菜时，辣椒香味扑鼻，剁椒，香蒜加埋芫茜粒舖满哂起龙虾上面，净系睇到都流哂口水，而龙虾肉鲜甜富有弹性，非常新鲜，呢碟𩠌有剁椒嘅辣又有龙虾仔嘅鲜，完全激起哂我味蕾嘅感觉。之后黎个秘制烧猪肋骨，外层烧到有少少㶶睇落好似干干地，切开后，肉汁竟然保存到起入面，外脆内软又有肉汁，非常野味。最后就系立体3D芥兰配蒜蓉法包，点样3D法，就系有猪肉粒起第一层，把肉粒放在法包一齐食，好似泰式食法。第二层系炸过嘅菜，爽口野味，最底𠮶层就系芥兰菜，口味清新，一碟菜有两种食法真系新奇！