紅米 (華都商場) (已結業)

收工约朋友食晚饭，系屯门想揾间唔太贵而有特色既，揾到呢间红米餐厅，睇过餐牌款式都几多，价钱唔算贵，又未试过，今次就黎试下啦，餐牌好多野唔影咁多，就咁影左今日叫果2款野果页。先讲讲主菜加20蚊有汤，沙律，牛角包同饮品，但上到黎系半份厚多士，可能牛角包卖晒啦，但又唔同我地讲声，呢方面做得唔多好，我地都唔介意食多士既，但交带声会好d。罗宋汤好酸，我就几钟意既，好过饮d沟水沟到淡晒既汤，沙律加左胡麻酱，多士烘得唔够香脆，似食面包。原条蒲烧鳗鱼蛋包铁板饭，卖相麻麻，同睇其他人post上黎d相差好远，鳗鱼唔算大条，同埋好韧，好似食胶咁口感，蛋包饭还好，饭用珍珠米略湿左dd。和风照烧铁板炒乌冬，两位朋友都拣左同1款，佢地就话唔难食啰，但都唔叫好食，乌冬偏淋身。整体上都好有进步空间，都仲可以俾多次机会佢下次黎试下其他野既。