龍門冰室 (已結業)

今日同daddy妈咪去完屯门嘅T Park参观。 参观完呢个环保设计概念新颖嘅公园之后，就去左附近嘅龙门居食晚饭。嚟过屯门咁多次，都系第一次到龙门居。龙门居嘅设计都几特别，中间一条车路，两旁就布满咗各式各样嘅食肆、家品小店。生活日常都可以喺呢度包办。见到一间叫《龙门冰室》嘅茶餐厅，装修设计几新颖，以黑白为主题。餐厅提供嘅食物除咗有一般茶餐厅嘅炒粉面饭之外，仲有一啲系西餐厅先食到嘅菜式。感觉都几特别，系地道同埋西餐嘅crossover。由于好肚饿，就即刻叫咗个大大份嘅铁板餐，叫咗【爵士西冷扒拼香草肠】$80。 呢个餐包一个餐汤同嘢饮。餐汤系杂菜罗宋汤，罗宋汤味道浓郁，材料够晒丰富，而且各种蔬菜都煲到好淋，茄味又够，仲有少少辣辣地，非常开胃。等咗一阵铁板餐终于上场，铁板一传嚟嘅时候吱吱声响，黑椒汁淋上嘅时候霹雳啪喇声此起彼落，可想而知铁板几咁热。铁板配以嘅薯条分开放，唔使比酱汁整到淋晒。至于西冷牛扒唔会拿得太过分，食落软熟，点埋黑椒汁就更加juicy。至于香草肠就非常好味，外皮脆卜卜，里面嘅肉充满香草香味。嗌咗一个小食【椒盐鸡翼】$38， 鸡翼外层炸得好香脆，金黄色嘅外皮上面淋上少少蜜糖，