360餐廳 (已結業)

今日同朋友来到360餐厅，一行入去，成个环境有个浪漫嘅气息，安静，咁尼间餐厅，又可以食扒有可以打个小边炉嘅；今次我地就谂住打个边炉嘅，于是我地各自点左一份日式寿喜烧啦，咁我算系第一次食寿喜烧啦，个煲入面嘅材料都系差唔多一样嘅，咁我听讲食寿喜烧时不可缺少嘅就系生鸡蛋，虽然我地无食到鸡蛋，但系餐前嘅小甜品（泡芙）同酱汁，另我喜心。咁我地差唔多都系点左一个主食（面/乌冬），各一份肥牛，加埋煲入面嘅食材，对于一个都几大食嘅人来讲，已经够晒，量都几多下嘅。肥牛肉质唔错，成个煲散发出来嘅香味唔浓，啱啱好，都可以睇出煲入面嘅食材内在味道都系偏甜嘅，所以令个汤底都几清甜。特别系果个酱汁，甜而不腻，香而不腻，好似有个芝麻嘅味道，配搭食材，会觉得好开胃。价钱ok，唔算贵，系想同朋友好好轻松下撑下台脚打个小边炉嘅好地方。