Bulldog's Bar & Grill (已結業)

约左老婆饮萝卜汤又未够钟，同班同事去兰桂坊饮杯野先。唔知系唔系自由行的同胞走晒，呢度比上星期冷清好多，5点三落到来鬼影都唔多只。见自从老虎狗新张都未帮衬过，所以就来了。呢度分餐厅同酒吧两部份，入面餐厅夜晚仲会变做小型舞池，几次经过见到都几好气氛的。出面酒吧有露台位，可以居高临下的望到兰桂坊外街，有得饮有野睇，我们当然是坐出面。呢度Happy Hour由5点至9点，大部份饮品都有得平，好似而家Corona就做紧特价30蚊，我们当然是饮生啤，价钱比一般吧稍贵，但地方好坐D，可以拉平番。如科士打30蚊，NZ Brown Ale 35蚊，Strongbow Cider就35蚊，还叫了个焗薯皮来送啤酒，几大碟但亦几贵，要七十几蚊，以车打芝士同烟肉洋葱等去焗，几香口。饮到六点几至开始多人，但清一色全是鬼佬。