熊本牛鍋 (世宙商場)

营业中

休息中

今日嚟到熊本牛锅食饭，叫咗一个澳洲和牛放题，今次嘅款式都几丰富。首先嚟嘅下一个鸡煲，鸡煲嘅调味非常之足够，鸡肉亦都好弹牙，唔会煮得太过老。食完鸡煲之后，就开始打边炉啦。佢哋分别有顶级牛，澳洲和牛，牛白肉，猪肉等等。澳洲和牛入口非常之香甜，脂肪亦都非常之充足，充满着油香。顶级牛方面，肉味比较突出，牛肉亦都切得比较厚身，几有口感。呢啲牛肉都系可以任点嘅，所以食完边一款觉得好味，都可以再叫。除咗牛肉之外，出边仲有任食任拎嘅地方，当中我比较欣赏嘅就系贡丸，依度嘅贡丸同出边食嘅都有少少唔同，入口充满肉汁。另外，佢哋亦有蔬菜区，蔬菜都非常之新鲜，入口好清甜。最后嚟嘅系一个海鲜拼盘，包括有虾，鲍鱼，带子，蚝等等。全部海鲜都非常之新鲜，入口鲜甜，真系令人回味。另外，出边亦都有雪糕区，我今次就拎咗啲曲奇雪糕，味道都唔错。