印度筷子

营业中

休息中

虽然住佐敦 但好少会过开嚟官涌街呢头 今日过黎探新搬黎嘅朋友 顺便同佢行下熟习下附近环境 见到开咗间印度筷子餐厅就谂住买外卖上去一齐食 老板虽然系印度人但一口流利嘅广东话 而且仲好热情好客！蕃茄牛油咖喱鱼味道香而不辣嘅牛油鱼有浓浓嘅香料味 入口嫰滑 而且鱼肉亦吸收咗蕃茄同牛油嘅香味 配埋印度烤饼食另有一番风味！咖喱牛腩味道系三款咖喱中最浓 带点辣香但唔会呛喉 牛腩肥瘦适中 重点系炆到好淋好入味 送饭食一流！咖喱海鲜海鲜非常足料 份量好多 有鱼有虾有鱿鱼 鱿鱼尤其爽口 配上淡淡咖哩香酱汁 越食越滋味！