吃什麼 (已結業)

呢两年冇得飞每，次挂住台湾都会心思思想嚟中环呢间餐厅度食饭。咁啱今次约咗喺大管睇展览，于是就决定睇展览之前过嚟食个美味嘅午餐。拉开舖头大门，入到去店员第一句同我哋打招呼，𠮶种正宗嘅台湾腔，已经好有返返去台湾去咗旅行嘅感觉，当堂成个人relax晒。佢食物嘅选择唔算好多，但系一般香港人成日去台湾食嘅卤肉饭，牛肉面，花枝丸，甜不辣呢啲小食佢都有供应，餐饮方面红茶绿茶都有选择。今次我哋就带咗两碗牛肉面，味道浓得黎唔算好漏好油，牛肉好谂，汤底好香，连我呢个平时食面唔会饮汤嘅人都忍唔住饮晒啲汤。至于饮品方面我就嗌左一杯凤梨绿茶，因为我知道呢一排系凤梨当造嘅季节，呢杯饮品我都好推介，凤梨嘅味道清新鲜甜，配埋绿茶，消暑一流。推介大家下次去开中环，去开大馆睇展览都可以嚟呢间餐厅试吓。