Eiffel Bistro (已結業)

老细食鳝日记🪱7 孖剧停话要见客，个客话想食法国餐，食鳝老细🪱听到即刻话no。话贵夹唔饱，个客实系扼饮扼食。老实讲，揾生意既野真系话唔埋，但系如果只系讲法国菜，其实都有好多好味又唔贵嘅选择。好似呢间餐厅咁，唔贵又正宗唔失礼。 🍖头盘沙律，焗田螺同冻肉批，够晒正宗啦!田螺放系典型器皿再加入大量香草青酱同橄榄油去焗，香气四溢又唔会漏。而且个酱用黎查𠮶法包又系一绝。肉批以猪肉同鸭肝分明间隔，口感分明又有层次，而且互相融和。 🍖主菜系ravioli 同牛扒。Ravioli 系偏向意式，但系分量十足，相比一般餐厅，佢好以有超过十只。个皮有强烈芝士味，配合入面既肉函，仲有面头好多菠菜同干蕃茄，健康又足料。牛扒有好强既炭火烧烤既味道，唔系林滑个种，系肉味浓，有咬感但冇渣个种。炭香真系令人齿夹留香。 🍖甜品又系法式经典，苹果crepes 配云尼拿雪糕，饼皮软糯唔黏口，苹果爽脆，互相配合，而雪糕绝对系融合两者既媒人。 真系好想带食鳝老细黎呢度，佢系富三代，悭皮既性格令公司呢几年生意非常平稳，新生意基本系零，好彩佢伯爷既旧客念旧。其实佢只要适当物色，唔难揾到好既餐厅同客户。