湘蜀人家

营业中

休息中

对于四川菜我有一份情意结。曾经有个内地同事煮得一手好菜，请我食佢煮既家常便饭，席间有味酸菜鱼，试后念念不忘。由朋友口中得知呢间做得够正宗，为条酸菜鱼走入湾仔食，结果等咗好奈位，8点入座已经卖哂（如果想食记住打电话留菜），唯有点其他菜式，原来唔只酸菜鱼值得试！食四川既点可以唔试担担面！呢到做法虽然有啲辣，但系个汤底好浓郁，食得出唔系用现成花生酱咁随便，系用心自家调配既汤底😋汤混入芝麻令食落去口感更丰富，仲有葱碎同肉末，幼面挂起汤汁，啖啖精华～西洋菜饺简直不得了，皮薄馅靓由张相都睇得出皮薄到好通透。咬来去皮质烟韧好明显食得出系自己搓粉，饀料超多粒粒饱满，菜多肉少，因为我钟意食菜多过肉，菜肉比例对我来讲无得弹～莴笋海蜇头好抵赞，滑嫩爽口，酸酸甜甜够哂开胃，加上洒向面上既芝麻入口更香。不过好辣下，我算食得辣都忍唔住饮几啖水冲冲口。蒜泥白肉都系好辣🌶同食开嘅唔同，肉片厚身咗少少，冇蒜泥反而系拍碎既蒜片，可能系风格唔同，我觉得有少少失色。值得一题系佢地既调配既辣味，唔知点解佢既辣系会愈食愈辣，同愈食愈热，劲到我同朋友9点食完，翻到屋企12点几个身仲发紧热，大热天时有少少恶顶，但冬天食就不得了😍