陳鵬鵬潮汕菜館

营业中

休息中

最近沙田新开左间潮汕菜，同屋企人即刻去趁下热闹试下～叫左个鹅肝同卤水拼盘做前菜。鹅肝粉粉绵绵，入口即化。相对西式鹅肝嚟讲，个人认为呢到嘅鹅肝骚味更少，相对易入口。卤水拼盘有鹅片、掌翼、豆腐、广章同溏心蛋。咩都有少少，可以咩都试吓。食材用咗12种草本卤汤每日新鲜现卤，难怪咁香咁入味。香煎鲳鱼几有惊喜。香煎令到鱼油味道出哂嚟，而且令鱼肉质感同鲜味更为特出。南澳蚝仔烙好大一盘！蚝仔粒粒肥美。外层酥酥脆脆，加入木薯粉令到口感更为烟靭独特。海鲜砂锅粥有虾、蚬、蚝水等海鲜同有机大米一齐熬煮，超鲜味。米粒软糯，配埋卤水拼盘食好有潮汕味道。