華小料理屋 (已結業)

星期六下午为左庆祝男朋友生日，决定食豪啲！今次order左和牛寿喜烧同西京烧银鳕鱼。望住个寿喜烧，真系流哂口水，个肉质好似入口即溶咁，加埋个蛋浆，简直一流呀！而个西京烧就十分正宗，好似去左日本食咁，个鱼质滑流，完全唔似食紧鱼。最开心lunch set 好丰富，有面豉汤、沙津、茶碗蒸之外，最估唔到仲有甜品，系北海道牛奶布丁！不过我就冇影到啦，因为实在太好食，唔洗5分钟就ko哂啦。虽然价钱系贵，但我觉得好值得去试，所以我建议去食lunch系抵啲，因为晚餐实在太肉赤啦。