見見面 (已結業)

九龍城搵好嘢食👏🏻呢間門面已經好有特色，入到餐廳裏頭更加特別，天花有好多盞花燈，好古色古香呢❤️而且店洋溢咗勁多香氣，一聞就知鑊氣夠！一坐低店員已經送上一壺茶，濃郁芳香，係好飲嘅🫶🏻🫶🏻我哋叫左幾樣餸，每樣都值得推介🤭豉椒花蛤：大隻又新鮮，一啲沙都無！蒜泥白肉: 賣相靚又好好味！白肉滑嫩又惹味！中間夾左青瓜片🥒，配埋啲蔥蒜食，一流！麻辣牛柏葉：嫩滑牛柏葉，索哂啲香辣味，而且又係分量勁多！辣子肥腸：勁大碟好抵食，每粒肥腸都好香脆！孜然料好香，我哋揀左小辣，辣度又剛剛好！完成係正呀！