天勝

营业中

休息中

听闻cwb恩平道有好多好野食，今晚就去打下卡，试左呢间叫天胜既日式居酒屋店。一嚟到啲服务都好体心，比左个暖毛巾我地抹手，非常细心。因为我朋友呢几日介紧食刺身同生野，我地今晚叫既都系熟食，有牛肉荞麦面、三文鱼茶渍饭、味林鱼干同埋盐烧鲭鱼。牛肉荞麦面入面有好多牛肉，多到我要同朋友share嚟食，啲荞麦面软硬适中，好香荞麦味，岩晒我呢啲荞麦面fan呀！个三文鱼茶渍饭清清地，啲山葵好香，捞埋落去食将简单既茶渍饭提升到另一层次，原来山葵先系呢个主食既精华！味林鱼干都烧得好香，一摆上台感受到热力，似是岩岩烧好咁样。盐烧鲭鱼都好好味，简单烧出鲭鱼的精华，做到烧鲭鱼的精髓。