黑龍

营业中

休息中

正宗日本人主理湾仔拉面店黑龙难得一日出开湾仔，心思思想揾间拉面舖试吓，一位住港岛嘅朋友仔就同我哋介绍呢间由日本人主理嘅人气拉面店-黑龙。我哋星期六下午一点左右嚟到，入面都已经坐满人，都要等咗成15分钟至半个钟先入到去。原本打算一个试沾面，另一个试拉面，谁知道沾面就已经卖晒，只能叫两个拉面🥲 🥢黑龙豚骨拉面我地叫咗两个黑龙豚骨拉面，不过就一个辣一个唔辣试吓有咩分别，豚骨汤底味道浓厚，拉面口感爽口，并且好挂汤。而辣嘅豚骨汤底就出乎意料嘅辣，跟原味汤底截然不同，如果钟意食辣嘅，不妨可以加辣。而叉烧则不过不失，味道唔算突出，紫菜就意想不到地令成整个拉面口感提升，加分加分。 🥢泡菜饺子最近只要follow 黑龙的社交平台，就会每人送两只泡菜饺子。煎得外皮香脆，泡菜味突出，亦都系比想像中辣。 总括来说，黑龙拉面整体高质，下次都仲想试埋佢地既沾面。