大丸ラーメン

营业中

休息中

身为大角咀街坊点可以唔知道大角咀最好食嘅拉面店😆。碗碗由日本人亲自炮制，无味精兼饮得出汤头啖啖鲜美嘅大丸拉面店，大家行过大角咀必须试下👍🏻。特制鲜蛤海鲜猪骨拉面($108)，虽然只有少少五粒鲜贝，但系有几大粒大家可以睇相体会，粒粒鲜美嫩滑，加上浓郁嘅虾汤底，系必须encore之选！黑丸酱油豚骨拉面($88)，睇下只蛋系新纪元"晓"系列，蛋味浓郁极致，豚肉肉质鲜嫩，配埋个无味精嘅酱油汤，真系可以饮到一滴都冇得剩😆。作为街坊虽然久仰大名但系一直都冇机会食，因为佢出面条队长到长期令我睇唔到希望😂。今次因为疫情，有幸食到一次。店内区区几个座位，充满日本风味，厨师将碗面serve上枱时仲充满仪式感，真系好幸福💗。