泰斗 (TKO Gateway西翼)

营业中

休息中

将军澳都有正宗泰国菜啦唔洗去九龙城近近地就食到餐厅环境好阔落布置好有异国风情犹如去咗🇹🇭泰国一样🔸菠萝海鲜炒饭 $128🔸泰式烧猪颈肉 $108🔸手打炸虾饼 $88🔸串烧沙嗲鸡 $32🔸串烧沙嗲猪 $32🔸芒果糯米饭 $58菠萝海鲜炒饭一上台比佢份量吓亲，超多饭，叠到好似个小山丘，性价比极高👍🏼仲有肉松同腰果可随喜好自己额外加入去捞匀。海鲜有青口、鱿鱼🦑，爽口而鲜甜。猪颈肉油脂分布平均，嫩滑多汁。手打炸虾饼外层酥脆，咬落非常弹牙好味！一碟仲有8件，真系好抵食！沙嗲鸡及沙嗲猪同样大大份，唔会烧到干争争，配埋沙嗲酱滋味十足。食泰国菜一定要叫🥭芒果糯米饭，估唔到呢个季节嘅芒果仲系超甜，椰汁🥥用碗仔盛载，热辣辣嘅糯米饭再捞匀椰汁好香甜。