金屋泰國菜館

营业中

休息中

上个星期喺泰国返嚟，仲系对泰国菜念念不忘。 今日就同朋友去咗呢间餐厅试下，回一回味！［冬阴功海鲜汤］ 汤头浓郁，淡淡有鲜虾既味道。饮落口顺口，酸酸地甜甜地， 好开胃。最紧要系呢个汤唔辣，好岩啲唔食得辣既朋友饮！！！汤底加咗好多蕃茄同茄膏落去整 ，所以饮落清甜爽口。［虾头油鲜虾炒饭］呢个炒饭炒得好干身，调味适中，份量十足，我一个人肯定食唔晒，食落口有少少虾香味，虾本身爽口弹牙，配埋饭食非常不错。［泰式黄咖哩薯仔鸡］最有惊喜系呢个薯仔鸡，份量足，椰香重，加咗好多椰奶，食落口好舒服，奶味十足，薯仔同鸡既份量都好多，加埋蒜蓉包去沾咖哩食一定好好食！［芒果沙冰+泰式奶茶］奶茶味道浓郁，有茶香味芒果沙冰饮落去好爽，清甜，非常解渴！