影片
更多
2019-01-30
1496 浏览
今晚难得全家都齐人，于是出咗去食马来西亚野。喺网上面见到工厂区嘅呢间马来西亚菜嘅评价唔错，原本打算订位留座，但打完电话之后发觉只接受walk in，所以就早少少出咗去食晚饭。去到乜都唔好讲住，叫咗个肉骨茶先。我哋一共叫咗两个肉骨茶分享，每一个都好足料，最少有三四旧排骨，每一旧都好入味，而且仲有几块大嘅支竹，同样吸收晒肉骨茶嘅味道。店员建议我哋饮咗个肉骨茶先，然后再食其他𩠌，一饮落去感觉上应该用咗好多唔同嘅药材去煲，完全冇味精，好好饮。最估唔到连个饭都唔同，系特别为咗肉骨茶而配嘅，口味比普通白饭浓少少之后再叫咗个海鲜喇沙，卖相十分美观，而且仲好香添，同样地真系落足料，大虾很爽脆，而豆卜就吸晒喇沙嘅精华，食到停唔到口最后仲叫咗个小食拼盘，有泰式虾饼、炸 春卷同鱼饼，热辣辣之余味道都相当唔错，唔使几分钟我地已经全部清晒
去到乜都唔好讲住，叫咗个肉骨茶先。我哋一共叫咗两个肉骨茶分享，每一个都好足料，最少有三四旧排骨，每一旧都好入味，而且仲有几块大嘅支竹，同样吸收晒肉骨茶嘅味道。店员建议我哋饮咗个肉骨茶先，然后再食其他𩠌，一饮落去感觉上应该用咗好多唔同嘅药材去煲，完全冇味精，好好饮。最估唔到连个饭都唔同，系特别为咗肉骨茶而配嘅，口味比普通白饭浓少少
之后再叫咗个海鲜喇沙，卖相十分美观，而且仲好香添，同样地真系落足料，大虾很爽脆，而豆卜就吸晒喇沙嘅精华，食到停唔到口
最后仲叫咗个小食拼盘，有泰式虾饼、炸 春卷同鱼饼，热辣辣之余味道都相当唔错，唔使几分钟我地已经全部清晒
张贴
