華嫂冰室 (已搬遷) 新店位置

终于有机会食到传说中嘅华嫂冰室，识食一定食最正宗嘅元朗店。特地入去元朗屏山，其实我都唔系好识行，同人一齐系啲村附近捐捐下，揾咗一阵先见到。对我而言都几特别，无点试过系村入面啲餐厅食野。由于我地等两点开业个时段，知道会好多人等筹都早咗排，一点半左右就到咗。店员都有安排同控制人流，夏天系出面排队系有少少辛苦，但为咗美食都无计haha。招牌菠萝包酥香金黄，菠萝包外皮好松脆。夹住鸡蛋、鲜甜蕃茄同咸润牛油片，咸甜交杂。牛油片都几大块，成个包好邪恶好足料。鸡翼蕃茄米线鸡翼颇有水准，一咬会食到鸡翼有种特别调制过嘅味道，几香。汤底浓稠，可以见到有浓浓嘅蕃茄蓉，可惜米线唔太入味。冻柠檬益力多益力多普普通通，唔笃下啲柠檬就会剩返一般益力多味，惊喜不大。冰花奶茶奶茶有惊喜，一入口有冰沙质感，好少见。配搭浓滑奶茶，几顺喉滑润，无乜苦涩味。