Chill Vietnam Cuisine and Bar

营业中

休息中

新一年第一餐饭聚，朋友就带左我黎间越南餐厅食晚饭。餐厅播住越南歌，地方都几大整洁，坐得几舒服。餐牌都几多嘢拣，朋友发办叫左个沙律，两个主菜同两款甜品，都几丰富。青木瓜软壳蟹沙律：软壳蟹大大只开两边，刚炸起，咬落松脆。青木瓜丝同生菜丝几甜够爽，香叶味重，酱汁系鱼露，味道甜甜酸酸，几开胃。椰汁叻沙叶烩青口伴炸油条：卖相几好，青口有半打大大只，椰汁味香浓creamy，炸油条好脆，剪开一块块点汁食，又几夹㖞。家乡烧猪腩肉伴檬：猪腩肉烧得香口，口感软淋入味。汤底用左鱼露比较浓味，配上冻檬粉够吸汁，好好味。越式芋圆椰汁冻：椰王壳开得完整，好有心机。里面整个装满左椰汁奶冻，份量其实都几多。有淡淡椰汁味，奶冻够滑够冻唔太甜，芋圆烟韧，上面有脆脆、芒果同大西米等配料，整体唔错。姜柠炖蛋：打卡之选，炖蛋用鸡蛋造型容器上，然后再用鸟巢做配衬，旁边有花花，士多啤梨同蓝莓做伴碟。炖蛋味道真系够姜，口感幼滑，唔太甜，几好。