梨滿園韓國料理 (已結業)

约咗朋友喺旺角食饭。咁啱天气突然转凉，本来想打边炉，但好似冇乜新意，于是决定去试下铁板韩国拉丝芝士鸡。入到舖头，地方都几阔落几好坐。饮啖茶之后，我地即系叫咗韩国寿司同拉丝芝士鸡放题。落完单，店员安排咗6款前菜俾我地，有泡菜，豆角，芽菜同薯仔等等，一次过可以试哂咁多款，好满足呢。跟住嚟嘅寿司都好足料，入面放满咗鸡肉同蔬菜，重点系有令你开胃嘅腌萝卜，配埋豉油同芥末，简直系为之后嚟嘅拉丝芝士鸡做好准备。拉丝芝士鸡一出场，全枱都香喷喷。由于有铁板保温，基本上10分钟后，大家仲食到可以拉丝嘅芝士。鸡肉亦腌得好香，火候啱啱好，冇因为铁板加热令肉质变老。因为芝士鸡可以120分钟任食，我地当然追加啦！嘢食好味又好坐，朋友都决定下次聚旧，试埋梨满园其他嘢食。