南대門

营业中

休息中

📍放假去咗金巴利道条韩国街食烧肉！入到去都系正宗韩国阿猪妈负责招待～入边啲烧炉都几得意，系用龟形状造型。第一次食烧肉唔拣牛，拣咗个猪肉拼盘($450)，入边全部都系猪部位，包括五花肉、护心肉、猪颈肉、酱腌薄切五花腩。另外可以再拣泡菜汤或者大酱汤。韩式小菜都几多，特别嘅有蜜糖番薯同埋凉拌南瓜都几好食。比较好嘅系猪颈肉，烧到外皮焦香又爽口。另外再点咗一款海鲜韭菜煎饼($143)，粉浆唔会好多，食到啖啖韭菜，面头仲有好多八爪鱼同蚬肉，都几足料，摆咗一阵食都仲系好香脆！