意粉 360 (已結業)

自从O太太生左女之后忙著凑佢真系好难出黎见面， 今日难得夹到时间终于可以三剑侠行街食饭喇 行花园街行到攰攰地，想揾个地方阔落的餐厅坐下食晚餐，所以决定去左就近的MOKO mall揾食。本身想去outback steakhouse 但太多人有排等，见到spaghetti 360 地方几大就入左去喇。见dinner course 包两客忌廉蘑菇汤，一个main course，一个意粉，都要4百几，所以决定散叫喇。好耐无饮过酥皮汤，叫左个酥皮黑松露带子忌廉汤，带子仔有一两粒，酥皮忌廉汤呢个组合一定无得输，略嫌黑松露味唔够浓。O太太想食鸡翼，叫左呢个咩蜜糖鸡翼，哗，好唔掂 ，$46得4只，味道无特别，只能形容系鸡翼一只咁啰。O太太拣左呢个芝士焗蔬菜，有脆肉瓜，杂菇，红萝卜，蕃茄仔，秋葵，味道无咩特别，就系芝士捞蔬菜咁。再来，牛油果带子意大利粉，又有熊妹近期爱上的牛油果，当然好味，带子都唔欺场，有5,6粒，牛油味炒得意粉几香，唔错。最后，叫左个饱肚啲的菠萝烤鸡pizza，有薄脆批同厚批拣，见薄脆批好似纸咁薄，所以拣左厚批，其实即正常pizza批底姐。唔知系咪知我地3个人，平均切左6块，份量唔少架