影片
更多
2023-12-06
199 浏览
呢排个中菜胃真系好有食神！之前食咗两间酒店嘅中菜好今餐就去咗间有质素嘅中菜馆开餐。讲紧就系老婆大人好钟意去嘅望月轩，之前佢已经想约朋友嚟食饭点知𠮶日原来仲未全面恢复而休息，不过而家已经正常返晒每日都可以嚟食饭噜！老婆大人真系好鬼眼利(我要小心啲哈哈)！见到厨房门口挂咗呢对伪腊肉，其实系玉石嚟嘅不过真系好似劲搞鬼。坐低整碗热辣辣嘅炖汤饮吓先！上次试咗汽锅鸡今次就饮羊肚菌炖走地鸡，哗一饮落口好香羊肚菌味加埋鸡香味呢碗炖汤真系好鬼香甜。大家都知我老婆大人最钟意食辣嘢可惜我唔争气唔系好食得辣！好彩有朋友陪佢食咁就嗌个四川口水鸡俾佢哋叹吓，其实我都试咗一旧鸡味道真系几香，可惜对我嚟讲真系好辣唯有放弃！不过四川菜又唔系剩系得辣嘢嘅！呢个老字号樟茶鸭都好好味㗎，鸭有烟熏嘅香味啲肉又唔会干好食㖞。今晚嘅彩蛋肯定系呢条松子桂花鱼！首先净系行出嚟个卖相都已经够掂啦！桂花鱼炸得好香脆连鱼翅位都可以成个食，𠮶个酸甜汁唔会抢喉酸得好开胃呢个鱼真系超正斗。冬天梗系要食返啲热辣辣嘅煲仔菜，钟意食栗子同鸡嘅话咁呢个面酱栗子炆鸡就冇得输喇！炆𩠌嘅精髓就系够浓郁入味呢个完全做到晒我哋嘅要求，鸡肉够新鲜弹牙加埋啲栗子炆到又
讲紧就系老婆大人好钟意去嘅望月轩，之前佢已经想约朋友嚟食饭点知𠮶日原来仲未全面恢复而休息，不过而家已经正常返晒每日都可以嚟食饭噜！
老婆大人真系好鬼眼利(我要小心啲哈哈)！见到厨房门口挂咗呢对伪腊肉，其实系玉石嚟嘅不过真系好似劲搞鬼。
坐低整碗热辣辣嘅炖汤饮吓先！上次试咗汽锅鸡今次就饮羊肚菌炖走地鸡，哗一饮落口好香羊肚菌味加埋鸡香味呢碗炖汤真系好鬼香甜。
大家都知我老婆大人最钟意食辣嘢可惜我唔争气唔系好食得辣！好彩有朋友陪佢食咁就嗌个四川口水鸡俾佢哋叹吓，其实我都试咗一旧鸡味道真系几香，可惜对我嚟讲真系好辣唯有放弃！
不过四川菜又唔系剩系得辣嘢嘅！呢个老字号樟茶鸭都好好味㗎，鸭有烟熏嘅香味啲肉又唔会干好食㖞。
今晚嘅彩蛋肯定系呢条松子桂花鱼！首先净系行出嚟个卖相都已经够掂啦！桂花鱼炸得好香脆连鱼翅位都可以成个食，𠮶个酸甜汁唔会抢喉酸得好开胃呢个鱼真系超正斗。
冬天梗系要食返啲热辣辣嘅煲仔菜，钟意食栗子同鸡嘅话咁呢个面酱栗子炆鸡就冇得输喇！炆𩠌嘅精髓就系够浓郁入味呢个完全做到晒我哋嘅要求，鸡肉够新鲜弹牙加埋啲栗子炆到又粉又香直头想叫个饭嚟叹呀。
食完啲浓味嘢嚟返碟清清地嘅鲜百合翠炒带子就最啱时候！带子弹牙鲜味加埋啲新鲜又脆口嘅蜜糖豆感觉真系好清肠胃。
我哋今晚冇叫到粉、面、饭！所以呢个瑶柱银丝杂菜煲就做咗饱肚功能嘅菜式，入面有啲鱿鱼、瑶柱同埋大量嘅杂菜，𠮶啖汤咸香又鲜味所以啲粉丝又点会唔好食呢，四人食到捧住个肚走都系400几蚊位埋单值价值价。
张贴
