公和荳品廠

营业中

休息中

孩童时代住响深水埗，算系见证过香港最地道嘅街头美食辉煌年代。传统美食价廉物美，重质素，重口碑，全手工制造百分百嘅诚心诚意。鲜打鱼蛋、脆皮烧鹅、钵仔糕、豆腐花。以前住响深水埗唐楼，夏天跟嫲嫲去楼下买𩠌，行到身水身汗，最钟意食公和嘅冻豆腐花配冷冻豆浆，公和陪咗我屋企人四代人。佢楼底好高，即使冇冷气都凉浸浸，地方小，座位唔多，而家租埋隔离铺，堂食地方就多咗好多喇！公和系一间豆品店、卖豆腐、豆浆、豆卜、芽菜、腐乳。以前公和嘅豆浆，豆腐花嘅豆味好浓，特别系豆腐花有热有冻，冻咗都唔嚡口，系夏天嘅消暑妙品！煎豆腐都好香脆，简单醮上豉油，甜酱已经好好食。之后有炸豆卜，又香又脆，同样出色！但好可惜，最呢十年嘅质素素真系愈来愈差，可能系材料唔同咗，或者制作人变咗啦！豆腐花嚡口，豆浆冇味，连卫生都差咗，张枱甜笠笠，服务就咪提啦！但价钱就愈来愈贵！系咪红咗，有名气咗就忘记初心呢！