麥記美食 (景文樓)

营业中

休息中

北角其中一个名物要数系堡垒街嘅麦记小食，成日同朋友推介嘅时候佢哋都以为系M记😹两者好大分别架！呢间麦记已经开业40年，第一代老板麦生师承上海师傅，用巧手炮制各种上海点心🥟同小食🍢闯出名堂。最出名系锅贴、生煎包、葱油饼，用嚟煎包嘅大铁镬出面认真少见😏麦记本身系区内好受欢迎，几年前开始攞到米芝莲推介之后更加吸引唔少人嚟排队🔥🔥本身总店细细间，主要做外卖，或者系马路边放几张折枱，但大家慕名而来都唔介意。最近第二代老板就系同一条街开咗间新舖，沿用上一手Brew Note Coffee Roaster留落嚟嘅装修，木枱、怀旧通花玻璃等coffee shop嘅陈设变成小食店都几有趣🤣🤣食客而家就可以叹住冷气坐低慢慢食。实不相瞒作为街坊嘅我都食咗好多年🤪绝对系我至爱嘅comfort food，但系以前主要都系外卖就无影底推介比大家，今次就去到新店影返啲靓相📸麻辣捞面有肉碎、辣油、葱花等，捞面系新店新推出嘅菜式，不过个酱料同以往旧舖有嘅红油抄手系一样，佢嘅抄手麻香十足🌶️好香花椒味😋😋辣度唔算高，咸咸辣辣，捞匀腍到几乎变蓉状嘅肉碎，加上热辣辣云吞，绝对系我嘅comfort food🥰🥰成日都会叫呢个架。