段純貞牛肉麵 (THE SOUTHSIDE)

营业中

休息中

段纯贞喺南区新商场THE SOUTHSIDE有新分店，嚟到当然叫咗好多台湾嘅经典美食！卤水拼盘有牛肚、牛𦟌、卤蛋、豆干、鲜菌，用上慢火卤煮，款款都好入味。红油抄手酱汁带麻香，馅肉有猪肉同虾仁扎实多汁。因为个人太钟意食牛肉面，所以主食都叫咗两碗面嚟食：犇牛四宝面招牌有牛腱、牛筋、牛肚、嫩五花，配上手工面，口感烟韧有质感；而浓汤炖鸡面嘅汤头带清香鸡味，鸡肉嫩滑，配幼面更易挂汤汁。甜品就食咗黑白豆花同柚子柑桔豆花，豆花香浓嫩滑，前者加上芋圆，口感Q弹；后都配以柚子柑桔，味道酸甜好refreshing。餐厅亦有日岀茶太，拣台式饮品唔少得日出奶绿加珍珠，带茶香，珍珠烟韧；而水蜜桃绿茶加上芦荟，味道香甜又清爽。