粵軒

营业中

休息中

来过一两次，都觉得经营方式烂得很，由头到尾D伙记轮流埋来暗示明示你快D食完走，唔好阻佢地做生意！例如最常出现嘅系，碟𩠌未食完，或者碗汤未饮完，佢就走埋嚟，先拎起个碟或者拎你个羹搞下你碗汤，然后先问你系咪唔要！又例如，上哂菜，你食到一半，佢无端端走埋嚟同你噏，「你地食唔哂D野我地俾D盒你装番去食」又例如，成枱𩠌未食完辰早上碟橙....卒之食埋甜品，一家人谂住撩下牙饮啖茶，都冇话一放低个羮就起身走㗎，其中一个走埋嚟同我阿妈讲「出便十几个人等紧位」我啋佢都儍，心谂，你咁紧张要烹D客扯，你又唔讲定交枱时间？其实我地系好合作嘅，最最唔阻佢地做生意嘅，就系冇下次，唔帮趁。