喜來稀肉 (金巴利道)

营业中

休息中

喜来稀肉系香港最出名韩国烧肉店之一，开咗咁耐都keep住有大量捧场客，全因食物质素多年来一直保持水准🥰尖沙咀分店座位阔落有空间感，泡菜、腌菜、生菜等等全部自助任食，氛围就好似置身韩国一样🇰🇷餐牌上除咗猪肉同牛肉，仲有鸡肉、海鲜同其他单点菜式，性价比唔错，两个人嗌两款肉一款主食已经好够饱！🙆🏻‍♀️🔸喜来烤肉其中一款必点推介🏅薄切牛肉片卷成靓靓花状，份量绝不欺场；酱汁本身带少少甜味， 轻轻烤过两面可以食得，肉质软稔入味🥰可以另外沾少少烧烤酱、盐同辣酱，味道层次更丰富🔸护心肉食猪肉一定要拣呢款！呢一款猪比较厚身，油份较同瘦肉比例刚刚好，同老公最钟意剪成一件件烧香之后放上生菜，加入蒜片、泡菜一齐食，做出自己最啱口味既生菜包🤤🔸拌冷面食韩烧一定会叫返个冷面解腻，呢度既拌冷面面条保持弹牙爽口，将青瓜丝、腌萝卜同辣酱拌匀后口感丰富味道清新，正好配搭油份较重既烧肉！