龍鳳號 (已結業)

收工返觀塘試台灣菜，呢間裝修幾靚，有古代茶檔feel。今次一黎到就有位，坐見Menu都幾多選擇，因為好肚餓，第一時間叫咗個滷肉飯同埋滷水拼盤。朋友嚟到叫埋醬油茄子，麻油雞煲，手工麵線，涼拌秋葵。個滷肉飯啲肥肉比較多，食落覺得有啲肥膩。滷水拼盤呢個價錢又好似細咗啲喎，不過都叫多選擇，有滷蛋、豬耳、等等。秋葵涼涼地超好食。茄子本來以為係凍嘅，一擺落口辣親條利添。呢度九點左右就催人埋單，同埋只可以比現金。如果帶唔夠錢都幾大獲。最後埋單每人$150 ，都算幾貴嘅一餐。不過呢度嘅午餐同下午茶就平好多啦，可惜唔係觀塘做嘢啦。