高高酒家 (已搬遷) 新店位置

上星期五晚, 再次帮衬为旧同事聚旧食饭, 但系食完呢餐之后, 大家都一致同声话下次要…食西餐！由于系星期五晚, 当然有订位, 7:00pm前准时到达被安排坐楼上, 眼见当时已经有9成满, 可能人太多关系, 完全感受唔到有冷气, 好彩我哋坐𠮶张枱隔离有把坐地风扇帮手吹吓, 但都于事无补, 全程个个食到出哂汗, 觉得应该要加多几挂墙风扇舒缓吓。讲返啲嘢食, 之前食过2-3次都觉得可以嘅, 但唔知系咪多人关注咗, 又可能全场爆满, 啲嘢就煮得好快, 等你嗱嗱声食完走咁佢哋咪可以又多一单生意啰！当晚我哋总共10个人, 叫咗:-椒盐豆腐…OC米网虾卷…OC脆皮猪手…正常生炒糯米饭…正常好食芝士虾球伊面底…一般话梅骨…OC翅汤杂菜煲…可以冰镇咕噜肉…可以蚬介鲮鱼球…OC当中"OC"𠮶4样全部系炸物, OC得好紧要(自己睇), 尤其是个鲮鱼球, 唔讲以为系炸牛丸…服务态度…就, 可能见我哋冇饮啤酒, 其次就系出面有好多人等位, 所以经常都好关心问: 啲嘢嚟齐未呢…真系…好。