影片
更多
2021-09-26
709 浏览
今次介绍既呢间💛cafe位于西环坚尼地城，有趣既系佢地既店名经常会令人误以为系专为单身人士而设，实情系呢间系一间以单品咖啡为主既cafe☕️，佢地每季会精选一个产区既咖啡豆作重点推广💁🏻♀️，一款咖啡豆有两种烘焙程度同6种煮制方式可以选择🤗 而到左夜晚6点(Tue–Sat) 佢地仲会供应埋单一麦芽苏格兰威士忌🥃，让客人先醒而后醉😆.除左系有酒饮既单品咖啡店之外，呢间cafe更加系元朗锦田Cohee Studio💛既姐妹店，后者虽然位置偏远但极受追捧，平日下午都要等成一个钟先入到座🪑，所以旧年年底得知佢地系港岛开左呢间cafe☕️已经想一试，不过就拖到今年二月先去，而呢篇食评更加过分地拖到而家至出…..🙈不过有一点想讲既系坚尼地城呢度供应既食物同元朗店系有d唔同，同时因为地段关系，价钱上亦稍为比元朗店贵🤏🏻****************************** ✨Eggado Cheese & Onion Bagel🥯 ($88)面包类菜式一共有5款，客人可以选择配sourdough/cheese & onion bagel，另外会有沙律菜伴碟🥗相信黎呢度既客人9成都会拣bagel🥯，
今次介绍既呢间💛cafe位于西环坚尼地城，有趣既系佢地既店名经常会令人误以为系专为单身人士而设，实情系呢间系一间以单品咖啡为主既cafe☕️，佢地每季会精选一个产区既咖啡豆作重点推广💁🏻♀️，一款咖啡豆有两种烘焙程度同6种煮制方式可以选择🤗 而到左夜晚6点(Tue–Sat) 佢地仲会供应埋单一麦芽苏格兰威士忌🥃，让客人先醒而后醉😆
.
除左系有酒饮既单品咖啡店之外，呢间cafe更加系元朗锦田Cohee Studio💛既姐妹店，后者虽然位置偏远但极受追捧，平日下午都要等成一个钟先入到座🪑，所以旧年年底得知佢地系港岛开左呢间cafe☕️已经想一试，不过就拖到今年二月先去，而呢篇食评更加过分地拖到而家至出…..🙈
不过有一点想讲既系坚尼地城呢度供应既食物同元朗店系有d唔同，同时因为地段关系，价钱上亦稍为比元朗店贵🤏🏻
******************************
✨Eggado Cheese & Onion Bagel🥯 ($88)
面包类菜式一共有5款，客人可以选择配sourdough/cheese & onion bagel，另外会有沙律菜伴碟🥗
相信黎呢度既客人9成都会拣bagel🥯，除左因为酸种面包🥖既味道未必人人都岩之外，某程度上bagel既卖相比起酸种面包更加吸睛👀，更方便影靓相📸打卡🤣
当日我地就点左呢客炒蛋牛油果三文鱼籽cheese & onion bagel，牛油果🥑新鲜又铺得够靓，炒蛋🥚够滑不过就无乜味道😕
至于bagel🥯虽然芝士🧀同洋葱🧄味并重，但面包口感较重而唔系个种以烟韧/嚼劲为主既手工bagel；整体黎讲卖相系唔错，可惜味道同口感就不能抱太大期望🥺
-
✨Homemade Tiramisu🍰 ($68)
据说传统意式🇮🇹做法系会有两层mascarpone cheese再夹杂两层手指饼干，而呢度既tiramisu卖相望落合格✔️，两层mascarpone cheese质感幼滑，属于较为挺身个种而非半流质状
不过未知cafe系咪想著重咖啡☕️既味道，手指饼干既酒味🥃并唔明显，湿润感💧亦唔算好重，会有种越食越甜腻既感觉😓
-
✨Honey Mascarpone Cream Waffle🧇 ($68)
呢件窝夫上桌既时候仲系热辣辣♨️，外层带有珍珠糖脆粒食落甜脆，里面松软得黎又不失烟韧口感😋
窝夫上面既mascarpone cream质感顺滑，虽然睇落好似好腻，但因为有士多啤梨🍓同蓝莓🫐呢两种带有酸度既水果可以中和一下，食落就无呢个问题🤔
旁边亦洒上好有咬口既脆糖粒同蜜糖🍯，纵使呢件窝夫有几款唔同既糖加埋一齐，个人认为佢既甜度亦无上一款tiramisu咁高，称得上今餐最有惊喜亦系最满意既item💛，相信日后再有二访都系因为呢件窝夫🙈
-
✨Caffe Latte☕️ ($58)
二月光顾既时候cafe正供应埃塞俄比亚Guji咖啡豆，根据menu既cupping notes，呢款咖啡豆既风味带有茉莉花花香🌼、菠萝🍍、柑橘🍊同红加仑既果香
店员送上一set两杯咖啡既时候有提醒过可以分别品尝latte同espresso去感受一下咖啡豆，然系写系托盘附上既卡片上✍️，同时亦可以scan返qr code了解返关于呢款咖啡豆既详情🤳
本人平日都会饮下斋啡，当日先饮完一啖latte再饮espresso，只觉得后者味道既浓亦酸，无谂过自己居然会唔太受得住😓 不过之后再饮返latte就觉得味道同一开始所饮到既略有不同，果味变得明显左🌟
个人认为咖啡店既理念系几独特既，不过对于无乜咖啡知识/平时唔饮开espresso既客人要杯测师上身咁去品尝一杯espresso，某程度上系有点儿对牛弹琴，同时亦都浪费左一杯咖啡，糟蹋左农民同炒豆师既心血….🥲
另一点就系因为多左杯espresso☕️，系呢度饮一杯white要58蚊然而只有6oz左右都几贵下，建议cafe可以考虑有单杯同体验组两种选择，而唔系要客人捆绑式消费既模式🥴
-
✨Green Tea Latte🍵 (H $48 / C $58)
呢度既抹茶鲜奶口感顺滑，不过奶味🥛比较重，抹茶味道唔算浓郁亦无乜回甘味，唔难饮但就唔特别😐
******************************👧🏻人均消费：$165
😋味道指数：3.5/5
💰抵食指数：3/5
🪑环境指数：3.7/5
💁🏻♀️服务指数：3.5/5
👍🏻再访指数：3.5/5
-
📍For Single
地址：西环坚尼地城厚和街6-18号满发大厦地下D号舖
⏰营业时间：09:00–18:00 (Mon & Sun)；
09:00–22:00 (Tue–Sat)
张贴
