華嫂冰室 (已搬遷) 新店位置

华嫂冰室应该唔计屋企楼下嘅茶餐厅或冰室算系人生去过最多次嘅冰室。话说我已食过4-5 年， 当时仲未开始多人认识时已常常光顾。华嫂对员工好有人情味， 这是人所皆知， 因为每日1-2 点就系员工用膳时间， 所有单都要在12：59 分前入， 如果唔系， 2 点先再点啦。对客人就系，如果1点来到， 你地出去行下， 2 点再返来排队。 超有性格嘅华嫂。一年多二年前， 本身除了本店外都无分店， 但系华嫂觉得仔仔有她7-8 成火侯就比机会仔仔在外面，但系要食10 足火侯都系返本店。话分两头， 都系讲返野食， 我今次同朋友两个人过来点了午餐肉蛋公仔面加瑞士鸡翼， 冻奶茶走甜和菠萝油。午餐肉煎到刚刚好， 唔会太干或太生， 鸡蛋个蛋黄深黄偏橙色，好香蛋味， 至于公仔面就爽口， 唔会太淋， 只是最简单嘅餐蛋面都做到咁完美。瑞士鸡翼就甜甜的， 又好入味。至于最后食嘅菠萝油， 牛油味好香， 可以带出个包嘅香味， 菠萝皮香脆， 个条纹杂乱无章， 其实上面个坑纹越杂乱无章越脆。以后大家食菠萝包记得留意啦。