西貢許姑娘家鄉茶粿 (已結業)

我有時落西貢，每次行經“許姑娘”，都會有唔少人幫襯，我經過都會買番1~2盒。咁多次我都必定會買“南瓜皮紅豆餡”，紅豆餡唔會太甜，個皮軟軟地又煙韌，佢地舖後面係廚房，所以做完就攞出來賣，立即食仲係暖笠笠，或者可以帶番屋企，食時再叮番熱，佢地話可以放4日。我試過放雪櫃一日，再隔水蒸番熱，個皮仲可以保持外形及一樣咁煙韌，呢個真係讚另外果個係“紫薯皮綠豆餡”，綠豆餡係有粒粒嘅，好軟好香，綠豆餡比紅豆餡甜，鐘意較甜嘅可以試下呢款，都不錯。