金滿堂甜品

营业中

休息中

还记得以前喺调景岭IVE上堂，同第一个追求我既男仔黎过黎九龙湾行街，行经金满堂门口时，见到好多花牌，个招牌写住:少甜低糖，正合我心就同佢入黎食左个甜品，𠮶时出面既甜品店冇太多花款，呢间相对好多款式，味道亦好好，唔甜，用料亦唔吝啬，真系好欣赏呢间甜品店。此后都经常带朋友，男朋友黎食……所以可以话金满堂充满住我既回忆……只可惜由上年开始，发现佢味道同质素已大不如前……直到今日，我既回忆已经完全崩坏……一黎到，发现佢餐牌上好多食物都唔同左款式，都啱嘅，因应潮流嘛。叫左个经典金枝玉叶食~order完，一反常态，竟然唔驶5分钟就上左菜，已经觉得有啲问题，食落口，哗，好多冰，仲要唔系碎冰粒，系大冰块，系好多既大冰块，已经影左其中两块冰块俾大家睇睇，食落就系好多冰块，搞到冇咩芒果味，成个甜品就系捞都唔捞，直接喺雪柜倒啲芒果汁（未溶晒雪𠮶只），再喺面放珍珠，芦荟，龙眼肉。冇错，佢冇变到，一样系低糖，只系味道，质素已经差左好多……呢间甜品店充满住我既回忆，真系好想佢继续开业，唔好关门，但以佢质素继续咁样下降落去，真系有执笠既可能，真心希望佢可以好好改善。原本好想俾劣评，我既“一般”只系俾我对佢既情意结