日熹樓 (已結業)

日熹楼出名在佢个百味菜宴，100样𩠌盛惠4888，咁我就梗系食唔起啦，亦都唔够人脚食，就咁食个晚饭小试牛刀先。醉鸡不过不失啦，有酒味，鸡肉够实有咬口，鸡皮唔肥，但系比起唐宫小聚嘅醉鸡，尚有距离。四色小笼包系全晚水准最高嘅，有茴香，孜然，原味同埋唔记得咗四只味，好食在于皮薄肉汁丰富馅料新鲜之外，呢啲茴香，孜然同埋唔记得咗唔会太过浓味，唔会喧宾夺主，值得一赞。至于冇镬气嘅清炒河虾仁，其实系好新鲜弹牙，味道适中。睇落好似细细兜，其实份量亦都好够，可惜身为一碟炒𩠌，佢系完全冇镬气。喺呢方面表现紧贴虾仁嘅葱爆羊肉，肉质其实亦都唔差，食落亦都颇为惹味，可惜亦都系完全冇镬气。最后碟炒年糕亦都有心争夺全晚最冇镬气嘅宝座，本身上海年糕系有分现成切定同埋餐厅自己切两款嘅，后者会弹牙啲立体啲好食啲，而呢度本来系属于后者，但系好遗憾地喺全晚最冇镬气比赛入面三碟参赛者系打和啦super。