MAMA Bakery (啟鑽購物中心)

营业中

休息中

一向对面包都系零抵抗力😂，所以两日嚟买左$260面包，堆到屋企嘅面包量可以食足三日，但都无阻我继续买嘅心情😅 今次买左芝士控一定中意嘅芝士牛角包🙊，同埋炒蛋包。其实本来只打算买忘忧嘅面包，点知买完行出嚟，闻到MAMA Bakery传出嚟嘅面包香😯，令我忍唔住入去买左两个🤣。老实讲，虽然知道佢系连锁店，但佢嘅烘焙香味，将忘忧比下去。芝士牛角包 $16虽然食果阵已经冻哂，但焦香芝士味浓郁，真系一解对芝士嘅渴望😏。加上牛角包空气感十足，一个人食哂都只会觉得系摄牙罅，完全唔需要担心会好饱好滞。不过如果追求牛角包嘅牛油香、同酥脆，呢个包就一定唔合格。炒蛋包 $13我只记得个名有「炒蛋」二字，本身仲期待会有炒蛋馅，但实际系无乜蛋香嘅玉子状蛋卷内馅，有点少失望。表层系焦香芝士，整体一般。