泰聚 (已搬遷) 新店位置

同朋友聚餐揀咗呢間泰國餐廳，喺太子站唔算好方便，但味道都唔錯。朋友一去到見到個餐牌已經比原個菠蘿沙冰吸引左，另一個就比原個西瓜沙冰吸引左。一坐低就叫左啦，一嚟到個賣相真係好靚，大大個菠蘿，而且味道清甜，西瓜沙冰就味道比較淡，但一樣大大個，好似飲完已經會飽左。但盡量快啲飲，因為朋友話啲冰融左後來就開始淡，冇乜味了。之後叫咗好多餸，包括馬拉盞通菜，燒烤雞，泰式生菜包，海鮮粉絲沙律，泰式金邊粉，菠蘿炒飯，咖喱牛腩，牛油酥餅。整體個味道都好好，唯一失望嘅係咖喱牛腩上嘅牛腩其實係牛肉片，完全唔叫牛腩，同味道一般。 海鮮粉絲沙律同生菜包都好好味最後，呢度啲侍應服務都唔錯，亦都幾搞笑，下次會再來！