影片
更多
2008-04-16
4 浏览
上次食完寿司广0既lunch 之后回味无穷, 今日约埋朋友J 及朋友M 0黎试试闻名已久0既见城. Book 了1:30pm, 0黎到仍然要等位, 佢真系好生意lak... 终于0系bar 台坐低后, 即刻叫了3 份自选寿司set lunch, 有8 款手握寿司及1 款卷物, 我0地0既「问题程度」真系辛苦了落单waitress XD先0黎蒸蛋, 有冬菇, 鸡肉, 银杏, 日式鱼蛋及唔知乜0野菜, 咁多样以银杏最好食, 又软熟又粉又完全无苦味, 一向唔食银杏0既我都觉得好滋味; d 蛋蒸得好滑, 汤味道好清亦比较淡口, 我觉得寿司广的同类出品好食d.味噌汤材料丰富, 味道比出面好多地方的厚, 几好饮.8 件全部唔同的自选寿司系逐件逐件上的, 件件都好新鲜, 味道真系无得顶:- 手握寿司饭: "body tempature" 的, 放入口感觉温和, 珍珠米醋味适宜, 黏黏韧韧又完全唔会散晒, 师傅好劲呀!- wasabi: 本来无谂住讲, 但呢度的实在香而不辣, 食得过瘾!- 甜虾: 一般爽, 不过味道好鲜, 正!- 三文鱼籽军舰: 紫菜唔脆, 但d 三文鱼籽粒粒饱满, 晶莹剔透, 一
先0黎蒸蛋, 有冬菇, 鸡肉, 银杏, 日式鱼蛋及唔知乜0野菜, 咁多样以银杏最好食, 又软熟又粉又完全无苦味, 一向唔食银杏0既我都觉得好滋味; d 蛋蒸得好滑, 汤味道好清亦比较淡口, 我觉得寿司广的同类出品好食d.
味噌汤材料丰富, 味道比出面好多地方的厚, 几好饮.
8 件全部唔同的自选寿司系逐件逐件上的, 件件都好新鲜, 味道真系无得顶:
- 手握寿司饭: "body tempature" 的, 放入口感觉温和, 珍珠米醋味适宜, 黏黏韧韧又完全唔会散晒, 师傅好劲呀!
- wasabi: 本来无谂住讲, 但呢度的实在香而不辣, 食得过瘾!
- 甜虾: 一般爽, 不过味道好鲜, 正!
- 三文鱼籽军舰: 紫菜唔脆, 但d 三文鱼籽粒粒饱满, 晶莹剔透, 一咬落去「卜」一声的, 味道极鲜亦带甜(而非死咸), 好好食!
- 海胆军舰: 我0既至爱, 又系劲鲜甜, 入口即溶, 十足食雪糕一样, 劲正!
- 左口鱼: 又系好新鲜, 鱼味浓郁, 唔错唔错.
- 池鱼: 肉质带爽, 配上少少姜茸及葱, 几好食.
- 油甘鱼: 味道鲜, 口感丰润, 好食!
- 半肥toro: 咁多款鱼呢个最正, 入口即溶, 而且好甜, 食到大家呱呱叫!
- Baby toro: 鱼味浓, 食落同普通吞拿鱼差不多, 唔系咁特别, 亦被半肥toro 比下去了.
- 瘦吞拿卷: 又系沦为配角, 无乜特别.
仲有杯咖啡, 意想不到地香滑, 掂!
朋友们拣了红豆(亦可选柠檬或绿茶) 雪糕, 个样好靓, 佢0地亦话好好食.
铺内好细, 无寿司广0既靓装修, 仲间中有小昆虫飞来飞去, 虽然有d 困扰, 不过真系非常日本feel (师傅系日本人, 劲nice!); 虽然waitress 们无乜笑容, 但非常attentive 亦有求必应, 服务贴心, 值得一赞.
埋单连加一每人约$190, 同上次寿司广差不多, 但我0地3 个一致觉得呢度食物比寿司广更好, 绝对值得试试! 一定会再0黎食, 不过晚市价位咁吓人, 睇0黎只限于lunch 了.
P.S. 朋友J, 我写0左食评喇, 你睇0左未呀? =P
张贴
