敏華冰廳 (如心廣場二期)

营业中

休息中

早已系家人朋友口中听闻敏华冰厅有唔错嘅水准，今日同男朋友经过如心广场，见到有敏华冰厅，而条队龙又唔多人，所以就决定食e间。等左 around 15分钟厅，就有得入去餐厅坐低叫野食，餐厅虽然客流量多，但侍应嘅服务态度都唔错，唔会黑脸，值得一赞本人超级钟意食常餐，每次去茶餐厅食野，必定要叫常餐。今次我就叫左个猪润牛肉汤通粉，煎蛋多士，我男朋友就叫左个本餐厅其中一样热门菜式，黯然销魂饭。我最钟意食佢个通粉，好多料，不过如果个汤底再浓d牛肉猪润味，个浓味程度去到深水涉间维记猪润牛肉米粉果个咁，就会有100分。同埋佢块多士好过太兴块多士好多，同一集团，真系一分钱一分货，常餐整体质素已经超出左我个 expectation 喇而我男朋友个黯然销魂饭，我食左块义烧加啖饭，好好好好味！香葱油，甜豉油蛋汁配一啖饭同埋厚切梅头肉叉烧，好正好正好正。肉边烧得焦脆，咬开即尝到满满嘅肉汁同埋脂香，绝对对得起黯然销魂之名。