影片
更多
2008-07-04
3 浏览
三心两意谂地方食饭, 迟迟都唔订位, 点知想去既地方全部满座, 有无咁full呀!谂嚟谂去, 就睇到呢度介绍, 咁就打电话去问下, 又有位㖞, 咁就试下啦!哦...原来就系呢度, 之前从门口经过, 仲谂几时有间咁既酒店呢, 白雪雪好有外国feel㖞, 间餐厅就系入面一楼, lobby就唔系好特别, 其实好细啰.八点几入到去都已经有成八成满座, 哇!星期一咋㖞, 都咁多人.真系个个出晒街食饭.好啦, 讲返食物. 佢地有个tasting menu, 不过我地无叫, 我地话要食a la carte, 好似会多啲选择, 叫个Captain介绍有无好食, 佢话starter不如食鹅肝, ok就试吓, 反正我劲钟意食鹅肝呢啲高胆固醇既食物, 又唔系日日食. 再叫咗个param ham pizza, 啲食评话几好, 就试下.主菜我就要羊架, 我老公就要佢介绍既鹌鹑, 又叫咗红酒, 水当然又要order, 够啦呱! 甜品...迟啲先谂啦!先上个homemade 既tomato foccacia, 仲暖暖地, 好味又好新鲜, 即刻好开胃. 我食下食下好似食晒, 唔该快啲上个starter啦, 好肚饿啦!
谂嚟谂去, 就睇到呢度介绍, 咁就打电话去问下, 又有位㖞, 咁就试下啦!
哦...原来就系呢度, 之前从门口经过, 仲谂几时有间咁既酒店呢, 白雪雪好有外国feel㖞, 间餐厅就系入面一楼, lobby就唔系好特别, 其实好细啰.
八点几入到去都已经有成八成满座, 哇!星期一咋㖞, 都咁多人.真系个个出晒街食饭.
好啦, 讲返食物. 佢地有个tasting menu, 不过我地无叫, 我地话要食a la carte, 好似会多啲选择, 叫个Captain介绍有无好食, 佢话starter不如食鹅肝, ok就试吓, 反正我劲钟意食鹅肝呢啲高胆固醇既食物, 又唔系日日食. 再叫咗个param ham pizza, 啲食评话几好, 就试下.
主菜我就要羊架, 我老公就要佢介绍既鹌鹑, 又叫咗红酒, 水当然又要order, 够啦呱! 甜品...迟啲先谂啦!
先上个homemade 既tomato foccacia, 仲暖暖地, 好味又好新鲜, 即刻好开胃. 我食下食下
好似食晒, 唔该快啲上个starter啦, 好肚饿啦!
系呢个时侯个Captain好轻描淡写咁同我地讲, 嗯...goose liver得好少, 我帮你转咗scallop.
吓??!!!咁都得!!!佢系知会我, 唔系询问我好唔好, but算啦, 我都食既.不过平时我一定会闹佢啰. 点知个scallop真系.....好正, 好好味, 好鲜甜又有少少(真系好少)鹅肝点缀吓. 条气顺晒.个pizza好似普通咗啲, 无惊喜㖞, 只系个饼底好薄啰, param ham都几多, 我地要留肚食main course.
倾倾下, 个主菜到, 先讲下卖相, 嗯...一般啦, 可以好啲. 个Lamb of Rack portion 好细, 得一支骨不过都几精致. 一食之下, 好嫩呀, 好多汁㖞, 唔苏, 不过个人觉得食羊要苏啲好味啲, 唔需要落mint jelly可以食到原味. 我老公个鹌鹑主菜, 真系一个字, 超正&好食到不得了....
只鹌鹑细细只, 先唔好讲系咪鹌鹑有鹌鹑味𠮶啲癈话, 我会话佢比我试食咗一啖之后, 我想再食啰, 直头想交换食, 而我个羊就给比下去. 最后个pizza食唔晒, 因为太饱, 可能你会话, 又嫌个portion细, 会饱得去边! 你就错啦, overall所有都配合到啱啱好,几时都会话, 食食八成好啦! 如果超饱会浪费咗, 再好食都无用. 甜品?!唔好预我啦!
By the way House red wine都几好饮
张贴