一風堂 (德福廣場) (已結業)

一风堂曾经风靡一时，刚进驻香港我都有去尖沙咀店一试，员工士气好，出品又好，汤底令人回味。当德福一风堂新开张时，我都再一次支持一下，当时嘅新店好，记得个度等左成半粒钟先有位，一坐低待应嘅欢迎语好整齐好有士气咁大叫出黎。今次再去，唔洗等位，心谂：「咁好彩？」，再加上待应好hea 咁讲左句「易喱谢咩嗲」，噢，当时嘅士气去哂边呀！其实我都有十个月无帮衬过一风堂，个menu 加左唔少野，原来有饭食㖞！我见唔系好饿，决定试「新」野，而闲人先生都试新拉面。我嘅系叫香煎义烧汉堡温泉蛋饭，点解拣左喱个大伏，全因menu 度博多个印啰⋯😖个样同menu 印嘅差不多，但好细碗，我一个唔饿嘅人食完都只系刚刚饱，男仔一定唔够。温泉蛋又唔系特别重蛋味，我将蛋捞饭咁食，以为我饭有少少水，点知无，系白饭黎⋯⋯我加豉油先叫有啲味。块汉堡，唔够热，肉好散，无乜肉味又无汁，重要唔知点解好重姜味葱味，闲人先生唔太喜欢。因为温泉蛋唔系热，饭又系暖嘅，捞左蛋冻左，成碗饭都冻冻地，感觉唔太好啰闲人先生点左鸡汤猪骨拉面，我试下汤，闻有鸡味但饮落系猪骨味⋯油花多，而我钟爱嘅日本葱都唔知点解同本地街市葱嘅味差不多，系用左另一只葱？闲人先