影片
更多
2008-12-04
22 浏览
3/12/08 7:15pm放工返到元朗, 正走向食牛肉面之际, 发现左一间新开既中式包点店. 其实个人是偏好西式包, 总觉得变化较多, 卖相靓. 但今次竟然比门口的试食吸引左, 就系萝卜糕.~已放凉既蒸萝卜糕入口不太粉, 仲食到丝丝萝卜, 虽然料不算多, 但至少食到真味, 已不错. 何况只是 $10 有一大条? 好, 买一条返屋企加料~ 店员更提议翻蒸比煎好, 因为粉不多, 易散. 老板娘好热情, 逐向我介绍蒸炉既包点, 叉烧包, 鸡肉包, 菜肉包, etc...问佢既推介, 佢话所有包系每日即做, 唔留过夜的, 佢既第一个推介系"素包". 当我我抱住半信半疑既心态时, 老板拍心口话d包唔落猪油, 又松软,叫我即场试食. 好!! 放低 $4跟机! 热辣辣既包从柜中取出, 仲连底纸都帮我摵埋, 睇个包表面胀卜卜似系新鲜蒸起,一啖咬入, 果然非常松软, 入面有菜同冬菇都好新鲜 ! 老板见我影相, 问我系唔系写稿? 我敷衍地答了:..系..系.. 跟住o系隔离既甜包柜拎左个香芋包出黎, 又系推介, 系每日用鲜芋头磨成, 佢帮我分开一半比我影相, 仲请我食, 哈!!(其实我好钟意
3/12/08 7:15pm
放工返到元朗, 正走向食牛肉面之际, 发现左一间新开既中式包点店. 其实个人是偏好西式包, 总觉得变化较多, 卖相靓. 但今次竟然比门口的试食吸引左, 就系萝卜糕.~
已放凉既蒸萝卜糕入口不太粉, 仲食到丝丝萝卜, 虽然料不算多, 但至少食到真味, 已不错. 何况只是 $10 有一大条? 好, 买一条返屋企加料~ 店员更提议翻蒸比煎好, 因为粉不多, 易散.
老板娘好热情, 逐向我介绍蒸炉既包点, 叉烧包, 鸡肉包, 菜肉包, etc...问佢既推介, 佢话所有包系每日即做, 唔留过夜的, 佢既第一个推介系"素包". 当我我抱住半信半疑既心态时, 老板拍心口话d包唔落猪油, 又松软,叫我即场试食. 好!! 放低 $4跟机! 热辣辣既包从柜中取出, 仲连底纸都帮我摵埋, 睇个包表面胀卜卜似系新鲜蒸起,一啖咬入, 果然非常松软, 入面有菜同冬菇都好新鲜 !
老板见我影相, 问我系唔系写稿? 我敷衍地答了:..系..系.. 跟住o系隔离既甜包柜拎左个香芋包出黎, 又系推介, 系每日用鲜芋头磨成, 佢帮我分开一半比我影相, 仲请我食, 哈!!(其实我好钟意食芋头!!) 味道不太甜而且食到芋头香, 只嫌馅有d唔够多呢!
二话不说, 老板又带我去店后的小小工场参观, (化身成食记?) 未放出店外的包包放o系存o冻柜入面, 好卫生, 地方好干净~ 后来老板话, 如果买冻包返屋企, 除左隔水蒸 7 mins, 仲可以用水冲一冲个包, 直接放入microwave 30 s, 一样松到弹起. 咁神奇?? 佢又再送一个馒头比我试.
翌日试过翻叮馒头,系成功既~~下次再试番薯 /南瓜包先得~
多谢老板娘咁好客!
张贴
