民康小食

营业中

休息中

其实谂谂吓红磡呢一头都好多车仔面店，间间都有唔同嘅特色，今次食呢一间系因为lunch都要做嘢太忙，只能够出去买个外卖食。而点解我会拣呢间民康小食呢？系因为佢应该系呢区入边最平嘅车仔面，一个面底最平$4起，但男仔可能要加底先够饱，佢仲有我最钟意食嘅濑粉😍。另外，啲𩠌亦都好平，大部份都系$6,$7就有喇🤑。所以叫多几个𩠌系都唔会觉得贵，啲𩠌其实都几出众，萝卜超淋超入味，冬菇(必点)就非常大嚿，你冇睇错佢系有成两粒墨丸咁大㗎，好夸张！！！而且好好味一啲都唔硬👍🏻。我其实仲叫咗鸡翼㗎，但遮住咗🙈，$6有两只都好抵。不过留意番佢渌面嘅时候会问你要唔要菜，但菜系计一样𩠌的，所以如果你唔想食，佢问你要唔要嘅时候你就同佢讲唔要，因为唔系免费的。其实仲有另外一个原因点解我会拣嗌外卖，系因为佢间铺比较细，而且出面好多人排队，所以未必坐得好舒服，反而买返Office慢慢食都系一个唔错选择👍🏻。