蓮香棧 (已結業)

朋友约食去左荃湾莲香栈， 就在荃湾地铁旁边，但是入左绿杨坊反而似迷宫，好难先揾到佢。其实系响二楼同三楼之间果半层，但唔知点解又叫 L1 ?入座后人头涌涌，平日晚上都好热閙，似系荃湾街坊的聚脚点。餐具玩怀旧 feel , 茶壶同杯都比较细只，反而令人有新鲜感。莲香六大怀旧菜，我地叫左两样，分别是香煎莲藕餠 $88 和鸡蛋焗鱼肠 $70 。 香煎莲藕餠 $88， 都算热辣大份，食到有莲藕同猪肉，但是味道唔出。比较淡口，要点酱油先得。鸡蛋焗鱼肠 $70， 真系 n 年冇食过，难得呢到有便叫了。鱼肠唔会腥，但冇乜鲜味，鸡蛋焗得过熟左，加D胡椒粉会好味D。好大份，食完今次我又再 n 年唔使食。咸排骨大芥菜煲$88 ，食在咁多煎炸油腻野，个茶点都要拣D清淡的。咸排骨大芥菜，苦苦地够咸够下火，正呀！咸排骨啖啖肉又够腍，大芥菜少少苦够爽，同样地好大份超抵食。价钱超值，平过茶记同大排档，好抵食。人虽然多，但都唔会太嘈，唔会赶客可以慢慢坐，几好。