Rain Restaurant & Bar (已結業)

朋友约食饭，话想试下兰桂芳既餐厅，因为lunch都有食过，想试下dinner既水准。自己本身唔系中环返工，都冇乜系果头食过饭，所以试下都冇妨。间餐厅其实都难揾，唔系朋友带路，自己应该唔识去。但入到去感觉都唔差，有晒蜡烛咁，都几有气氛。窗口仲对住haagen dazs，景观都几好。waiter介绍左个黑松露汤，我同朋友一人叫左一个，main佢就叫左份牛柳，我就食sea bass。个汤真系好饮，好香，同埋好有口感，不过一个人饮完已经有d饱既感觉，建议大家可以同人share咁样可以试到多d野。个fd份牛叫左medium rare，本身自己好少食咁生，不过食落都几嫩滑，不过血淋淋咁。以后食牛都会叫生d，不过我谂medium已经够喇。个sea bass真系好好食，好滑，而且鱼又健康d，可以食多少少都唔惊，同埋d薯蓉好好味。食完d野已经好饱，不过甜品对我吸引力太大，所以忍唔住都要叫埋，同朋友叫左tiramisu同creme brulee，两个都好食。埋单每人要300几蚊，虽然唔平，不过食物质素都唔错，所以都觉得合理既，有机会都会再去食。