La Casa Bistro (已搬遷) 新店位置

约左旧同学出黎食饭，就下佢返工嘅地点，黎左上环同中环交界嘅一间西餐厅，旧同学话佢食过lunch几好㗎。当晚上到黎，店延小的，环境昏暗，枱上小小嘅电子蜡烛份外有情调。散发著祥和气氛～慢慢睇阵餐牌，点左两份set dinner，唔使谂吖嘛。先送上面包，暖暖的，已预先烤热了。面包配上黑醋同橄榄油，简单又美味。先来头盘同餐汤，一个大碟上，卖相几精致。意大利风干腩肉啤梨火箭菜沙律，有点苦嘅火箭菜配上带甜嘅啤梨又意外地夹，食落清爽，再加埋腩肉嘅咸香几正。蟹肉饼配蕃茄黑水榄沙沙，薯饭混入一丝丝嘅蟹肉，不会过份饱滞，唔错。甘笋汤，是晚餐汤有惊喜，清甜暖胃，饮落带有蔬菜嘅清新。美国西冷配香辣西兰花车厘茄意大利饭要了六成熟，牛味一般，廷肉嫩的，意大利饭酸酸辣辣很开胃。海鲈鱼柳配青口薯仔茴香车厘茄汁鲈鱼跟青口鲜味十足，但个汁略酸了，有点失色。精选甜品系朱古力挞，劲浓朱味，正！晚餐$258一位再加一，可以坐足成晚不用赶交枱，慢慢吹下水享受一下啦。