紅橋 (已結業)

同妈咪去完旺角见到呢间餐厅, 好耐冇黎过于是想上下，主要都系我食所以唔算拣好多，一坐低佢就俾个QR code我哋扫描，全程都用电子落单，好方便而且可以几个人化。主食拣左个黑松露忌廉汁野菌海虾带子意粉🍝，我叫左佢份量少啲费事食唔晒，同埋我唔钟意食洋葱，可以拣走洋葱（$65），虾都有几只，size中等，虽然唔系新鲜虾，但都几爽口嘅，质感唔梅。食落都几creamy 嘅，黑松露味都几足。另外想食啲蔬菜，拣左份橄榄油炒野菌什菜（$55），好少食呢啲西式炒菜，感觉都几新鲜嘅。虽然叫左2份食物，但2个人都够食，埋单大概$100左右，又唔洗加一，都几满意！ 几年前好似都食过一次，仍然保持到水准。